【多相】全家出動幫忙睇樓　協助細妹買兩房私樓上車

樓市仍具剛性需求，姊姊及家人全程陪同睇樓，協助妹妹購入葵涌新葵芳花園兩房戶。

中原許偉業表示，單位為D座中層5室，實用面積約400方呎，以約541萬港元成交，呎價約13,525元。買家為上車客，獲家人擔任軍師提供意見，而早前姊妹曾到荃灣區睇樓，惟綠楊新邨同類單位叫價高達650萬元，最後轉戰葵涌，購入上述同屬鐵路沿線的私樓，售價較荃灣平足約100萬元。

他指出，單位最初叫價550萬元，上述買家已即時口頭還價至528萬元，惟遭業主一口拒絕，其後雙方到代理行面談，買家表明會落票決心，業主見到姊姊盡心盡力幫助妹妹上車，最後略為減價沽出單位。至於，原業主早於2006年購入單位收租，見樓價回升，認為是時候獲利離場，單位至今升值約401萬元。