絲絲講場：中東戰爭會喺香港搞出人命？點解咁大鑊...

美伊大打出手，唔少香港人會覺得關我咩事？但事實上，依家中東打仗，隨時喺香港搞出人命。點解會咁？請聽絲絲慢慢講...

事緣全球最大間嘅避孕套廠Karex，即係幫手生產杜蕾斯、Trojan等全球知名避孕套嘅生產商，其行政總裁吳明傑警告，自中東爆發衝突後，生產成本已經大升，若果繼續打落去，佢哋嘅避孕套可能要加價30%，甚至更多！

對於加價，吳生講得相當理直氣壯！佢分析，今年避孕套需求增加3成，運費貴、運輸延誤更加劇供應短缺。換言之，消費者必定要硬食。而且，吳生提醒大家，在經濟不景氣時，大家都唔知保唔保得住份工，呢個時勢如果仲搞出條人命，即係要養多一張嘴...

聽佢咁講，係咪即刻覺得避孕套錢唔慳得呢？趁依家仲未大加價，不如買多幾盒返屋企先喇！