【錢夫人巡舖】唔想吼三跑債？4厘以上高息定存有得揀！

三跑債今個星期開賣，唔想賺政府錢想喺銀行食息，信銀同渣打今年開局就不約而同推「層層疊」定存，息口每月唔同，拉勻計年利率分別有4.41厘及4.48厘，依家股市波動咁大，都不失為一個選擇。

信銀方面，第一階段登記日至2024年2月29日，年利率為2.3厘。第二階段是2024年3月1日至31日，年利率5厘。第三階段由4月1日至30日，年利率7.28厘。

當中，着數點係佢哋新舊客利率一樣，以存50,000港元計，期內合共收息650元。

至於早兩個星期東網報道過嘅渣打「高息馬拉松活期存款」，第一階段由開戶日至2024年2月29日，年利率3.7厘；第二階段是2024年3月1日至4月1日，年利率4.2厘；第三階段是2024年4月2日至5月2日，年利率5.8厘。同樣以存50,000元計，共收息661元。