星玄|背後好老公力撐!楊茜堯拍劇認真嚇親網民
今日係1月10日農曆十一月廿九,是日最旺生肖係羊,冇煩惱,運勢佳,愛情事業兩得意。「羊女」楊茜堯2016年同羅子溢結婚後,育有一對子女,一家四口幸福美滿。近期復出拍劇嘅楊茜堯,現正忙住拍新劇《黑色月光》,屋企兩個小朋友就由老公羅子溢照顧,而上個月月中,正是細仔生日,作為媽媽嘅楊茜堯無論幾忙都抽空,提早為囝囝慶祝,仲喺社交網大晒全家福,楊茜堯真係愛情事業兩得意,又有羅子溢呢位「神隊友」幫忙湊仔,咁就可以專心拍劇。
之不過,楊茜堯早前竟被網民捕捉到黑面嘅畫面,仲被上載到網上,嚇壞一眾網民。事源有網民於廣州一間百貨商場內巧遇楊茜堯,驚見她面無表情且微微抬起下巴,與女店員面對面,有點似是發惡的模樣,網民便即時拍下兼放上網,不少網民看到相片後均紛紛表示:「感覺下一秒佢就要冚個店員一巴掌啦」,更有網民貼上楊茜堯於《宮心計》中姚金鈴的相片,十分爆笑,原來楊茜堯只是正在為新劇《黑色月光》進行拍攝,並非存心為難店員。
至於今日幸運星係射手座,運氣好到不得了,能在職場競爭中佔優勢。內地流量小生王鶴棣憑《流星花園》、《蒼蘭訣》等劇集火速爆紅,成頂流男神。而去年底,佢同流量小花白鹿主演嘅《以愛為營》,自播出後掀起唔少熱話,嚟緊佢將與內地「四大甜妹」之一嘅田曦薇合演新劇《大奉打更人》,劇集雖未播,就已令唔少粉絲劇迷期待,王鶴棣年紀輕輕,就已經可以喺內地娛樂圈中佔優勢星途無限呀。