m18講場：離職救公司　幣安趙長鵬高呼「享受」？

虛擬貨幣交易平台幣安創辦人兼行政總裁趙長鵬日前「離職救平台」，此舉虜獲一班幣界朋友關心同感謝，仲有唔少人大讚佢堅忍。佢喺社交平台多謝大家嘅問候，仲話自己好「享受("enjoying")」突如其來嘅閒暇。小記無打錯，咁佢有幾享受，你懂的。

趙氏成日都將退休掛係嘴邊，點諗到一夜之間就可以達成願望，轉變嚟得太突然，佢仲「努力適應」緊。至於退休生活動有乜搞作？佢早排就話會休息下先，始終過去6年半時間，無真真正正抖過，更無試過熄咗手機。

不過休息唔等於乜都唔做，佢話會研究下DeFi，又可能會做下被動投資，物色啲區塊鏈、互聯網第三代(Web 3.0)、DeFi、人工智能、生物技術等初創公司。如果有公司想，可能都會做下企業家老師嘅。

係呢啲長遠目標達成之前，佢就分享咗2本書，《Courage is Calling probably》同《The Daily Stoic》，均出自美國暢銷書作家Ryan Holiday。喺空閒時間，都不忘幫自己打打氣，唔知夠唔夠捱到開審呢？