3年冇出公開活動!楊茜堯驚唔知畀人叫咩名 講明想搵奶粉錢
藝人楊茜堯今日(18日)出席活動,她指距離上次公開出席活動已是約3年前,心情有點緊張搞到失眠:「我心諗死啦,好耐冇出嚟,唔知講咩好,佢哋叫我咩名好呢?不過其實叫我咩名我都好歡迎。」透露一直忙於照顧家中的一對兒女,又適逢疫情令工作大大減少:「不過如果遇到合適又好想做嘅工作我會做,而且之疫情太嚴重,我好驚接觸太多人,加上我小朋友又細。(有冇計搵少咗幾多?)唔好計呢啲,應該要計你得到幾多。」
談及拍戲,茜堯表示有正在商談的劇集:「嚟緊如果真係適合,所有嘢都傾得啱應該都會出嚟拍戲,因為我始終都係鍾意拍劇,希望可以繼續保持住工作嘅熱誠,同埋都想搵多啲錢。」被問《家族榮耀之繼承者》茜堯並未有參與拍攝,是否被其他演員頂替?她笑言:「唔關事,雖然佢係續集,但劇情內容都被大洗牌,同上一輯唔同。(但冇得同老公一齊合作?)大把機會,我覺得好奇怪兩公婆一齊合作,不過有好有唔好,吸引嘅梗係做,但如果係做敵對嘅,拗撬又會多咗。」楊茜堯亦稱與老公羅子溢結婚剛滿7年,透露當日二人外出吃飯慶祝,然後去一起去看恐怖電影:「我同老公對鬼片有情意結。」