陳自瑤豪宅意外曝光 鐵證打破分居傳言!
41歲陳自瑤(Yoyo)除咗喺內地帶貨有好好成績,最近嘅豐胸廣告仲好搏命,有外表又有內涵難怪近年人氣愈來愈勁!既然Yoyo收入豬籠入水,佢住嘅地方都一定唔差,最近黃翠如就直闖佢位於將軍澳超闊落豪宅,間接令佢靚屋曝光,裏面仲搵到王浩信嘅生活痕迹喎!
見到翠如一開頭就要求Yoyo親自下廚,Yoyo煮嘢食勁熟手完全睇佢賢淑嘅一面,而個廚房就好寬敞一啲壓迫感都冇。之後鏡頭去咗飯廳同客廳,見到張梳化好大好舒服,翠如成個人攤喺度都完全冇問題!
有網民仲留意到廚房有3隻杯同一個保溫杯,認為係佢哋一家三口同住嘅鐵證,話其中一隻杯一定係王浩信嘅,因為2個人住唔需要用到4隻杯!雖然一直有傳佢哋已經分居多年,但其實佢哋一直否認嘅,呢一幕應該令佢哋嘅CP粉好開心!