m18講場：新傳企劃掛牌　大股東兩位千金盛裝敲鑼

本港數碼傳媒集團新傳企劃(01284)原定上市日撞正8號風球，順延至周二(18日)掛牌及舉行上市儀式，但無阻公司上上下下嘅興奮。公司行政總裁李一培笑指：「今日天氣好咗，而公司未來發展亦會一樣。」

大股東楊受成雖然無出席，但兩位千金、英皇鐘錶珠寶主席楊諾思(Cindy)及英皇資本主席楊玳詩(Daisy) 好似孖公仔，約埋一齊着白色衫，靚靚登場。據聞其行頭過千萬，配搭盡顯大方優雅氣質。

不過，Daisy話。新傳企劃上市整整規劃約兩年時間，笑言過程當然有一定辛酸，「聯交所問，我哋答」，同以往一樣咁做，成功掛牌好感謝團隊上上下下嘅努力。

望返股價，新傳企劃現報0.94港元，較招股價0.92元升2.17%，每手帳面賺100元。