《富貴門》深夜重播　袁詠儀被姦一幕最轟動

無綫深夜重播劇一直關注度甚高，近日重播30年前錢小豪及已故楚原等主演的《大頭綠衣鬥殭屍》反應依然熱烈，而今晚將緊接推出袁詠儀（靚靚）、羅嘉良及馬德鐘等擔演的2009年台慶劇《富貴門》。劇情以富豪家族爭產恩怨為主題，無論卡士或追看性都自有一班捧場客。

當年《富》劇開拍時，本名為《金錢誘罪》，及後安排與《宮心計》同步播出，兩線劇集收視高企。多年未有返回娘家拍劇的靚靚，今次扮演豪門貴家小姐，因「認錯人」關係而與「哎吔大佬」羅嘉良（撈家）及家人同。一直得悉自己身世的撈家，仍禁不住傾傾靚靚，後來求愛不遂，竟然出招強姦靚靚。當年相關戲份播出時成全城熱話，媒體更報道為「必睇位」，不過較之於目前熱播劇《一舞傾城》的尺度，這場強姦戲可謂濕濕碎。靚靚當時芳齡37，開始踏入中年韻味慢慢溢出，顏值依然吸引。