周奕瑋日本行狂嗌正 至愛吞拿魚店咩部位都食到
藝人周奕瑋(Jarvis)有機會嗎孖住靚女陳嘉慧(Erica),主持無綫旅遊節目《請一日假去旅行》。今次二人當正真人騷去拍攝,Jarvis透露:「冇花冇假,我哋真係足本咁介紹3日嘅行程,而到訪拍攝嘅餐廳,大部分都係疫情下開設。其中一間食吞拿魚,將整條魚唔同嘅部位,做晒刺身畀你食,仲搵個貝殼畀你『筆』魚骨裏面啲肉食,香港一定搵唔到,我覺得真係好特別同正。」
二人又到訪目前涉谷最流行的高空打卡位:「通常啲人都會排長龍,從高處影晒東京全景,但竟然畀我哋發現角落位可以影晒東京鐵塔同sky tree,所以好興奮。」期間他們又去幫襯類似居酒屋的食肆,有幸見識「大桶酒」:「侍應搬出嚟好似冰桶咁大,嗰度連魚缸同水煲都用嚟放酒。本嚟我哋都想挑戰吓,但飲咗好耐都飲唔晒,最終惟有放棄。」