簡淑兒撐麥大力做番機師：要畀對方私人空間！

藝人簡淑兒「倒戈」，首次為HOY TV遠走英國37日，拍攝深度生活旅遊節目《離鄉別井的故事》。她表示這次是拍攝節目以來，離港最久的一次，期間走訪了15個移居英國的香港人：「其中一個受訪者，係乳癌康復者，個案令我感動到喊。由於行程緊湊，我根本冇時間Shopping，中途仲病咗，有受訪者專登煲粥畀我，好Sweet。」

記者打趣離港期間是否很掛念男友麥大力？她笑言：「有掛住，不過我哋有共識，無論一齊或分開嘅時候，都要畀私人空間對方。」當問到現時航班開始復飛，大力會否「重操故業」當機師，簡淑兒尷尬說：「佢唔係好想講，所以我唔清楚呀，下次見到佢你哋直接問囉！（你點會唔知？）總之未正式（飛）嘅，佢同TVB仍有合約。（支持佢做番機師？）佢做乜我都支持，咁我識佢嘅時候，佢都係失業。」