被麥大力「上天下海」追求　 簡淑兒對男友有信心：唔會Check電話！

剛離巢無綫的簡淑兒（Jessica）近日接受林柏希網上節目訪問，透露入行10年，是時候跳出舒適圈，今次決定更獲男友麥大力支持。談到二人拍拖超過1年，Jessica冧爆指當初男友為了追求她「上天下海」，她說：「我問佢有冇興趣行山，佢本身諗住女仔行山都係行下啫，但係嗰次我哋攞埋繩去爬，點知佢就唔小心刮損咗！跟住佢就話，如果我追唔到呢個女仔，我都唔知有啲咩可以做，佢講完畀我聽，我都覺得有少少感動！之後佢仲試過為咗我去潛水。」被問到如果男友出軌會如何處理？Jessica笑說：「我冇佢電話、電腦密碼，佢都冇我嘅！我從來都冇睇過佢電話，唔好話Check，就算連佢玩緊電話，我連望都冇望！以前都試過男朋友出軌，跟住畀佢氹到，我冇真係捉姦在床嗰啲，我選擇算啦、信佢啦，但係依家我就唔會喇！」將於本月18日生日的她，更獲林柏希送上蛋糕預祝，令其驚喜不已!