外賣食到厭　蘇皓兒自煮烏龍百出

第5波疫情令到「宅男女神」蘇皓兒（Chloe）冇啖好食，惟有自己下廚，靠網上烹飪片段學習廚藝，她笑說：「因為夜晚冇堂食，所以成日嗌外賣、一係就自己整烚蛋、烚菜、煮烏冬，食到真係好悶，所以呢排終於的起心肝學煮嘢。依家識得整麻婆豆腐、蜆煮意粉，但係都煮得唔叻，仲要好多時夜麻麻十二點幾先睇片學，一路睇一路肚餓。」

剛入廚房的Chloe自嘲現時廚藝是中下水平，有待改進，買餸時更加烏龍百出，她笑說：「想買洋葱就買錯咗葱頭，菜心同芥蘭又好似樣，想買咖喱磚又買錯咗一包包現成咖喱，好亂呀，哈哈。」