向張家朗致敬　黃嘉雯做女劍神打到對手跪低

「少年劍神」張家朗早前於東京奧運勇奪香港史上首面奧運劍擊金牌，隨即掀起全港劍擊熱潮，近日連前港姐冠軍黃嘉雯都去學打劍，誓要挑戰做「女劍神」！其實佢係孖住拍檔譚永浩為節目《流行都市》進行拍攝，見佢輸人唔輸陣，最後譚永浩更被佢打到跪地求饒，場面搞笑。

佢喺社交網大晒靚相，並留言：「因為張家朗為香港拎左（咗）第一面劍擊奧運金牌，真係多咗好多人去學同玩呢項運動，今日叨《流行都市》嘅光，可以嚟到劍擊學校試玩。每一個動作，戰術甚至心理質素都真係缺一不可，決賽個日直程睇到大家喺廠停晒工，為佢歡呼。今日實在太開心可以過嚟感受一下劍擊比賽，有冇少少似模似樣先？」