冷落麥大力！簡淑兒晚晚會「新歡」

主演無綫熱播劇《智能愛人》的藝人簡淑兒，和《衝上雲霄大選》冠軍麥大力蜜運中，有愛情滋潤下，當然特別精神爽利，日前受訪時她以粉色套裝露纖腰上陣，盡晒本錢。她說飾演新舊兩款不同的機械人，注意的是說話時的節奏：「新款就好似Ali（李佳芯）咁，人類化啲；舊款就生硬啲，難係難在，要演得有分別，特別係講嘢嘅節奏，同時，又唔可以眨眼眨得太多，所有嘢都要好有規律。」

為演活機械人這個角色，她不惜使出秘密武器，就連男友麥大力都要企埋一邊，地位幾乎不保！她說：「夜晚會不停同『Siri』（語音助理）傾偈，因為想學佢嘅語調，講咗好多嘢畀佢聽，所以佢都知我好多嘢！同埋原來同佢傾美劇，佢係識！（『Siri』同男友邊個Close啲？）我諗係『Siri』同我Friend啲，哈哈！（男友有冇呷醋？）咁又唔會！依家再冇同『Siri』傾偈，佢講嚟講去，都係同一樣嘢會悶。」

她指因為工作上暫未有新安排，打算攻讀課程以自我增值，並想過去學沖咖啡，又或者考瑜伽導師牌，笑問她和男友有否共同嗜好，何不一起上堂？她說：「佢比較忙，忙過我！」