今日至靚新娘|梁諾妍4點起床裝身 索爆姊妹團出爐
藝人梁諾妍(Inez)今日(11日)下嫁男友洪永城(Tony),前一晚佢就同好姊妹搞單身派對,一路玩到去11點幾都仲對酒當歌,估唔到靚新娘成晚都好似冇瞓一樣,凌晨4點就已經起咗床,仲影低日出照放上網同大家分享,急不及待要嫁人。
見佢同好友黎紀君同其他姊妹分別上載新相,見眾女一早就已經化緊妝,當中仲見到梁諾妍精神奕奕,一見到有人影佢,就即刻擺出燦爛笑容,表情輕鬆,而已經Ready好嘅黎紀君就晒長腿自拍搶Fo。
之後黎紀君繼續擔起「劇透」任務,喺社交網晒出姊妹團Fully Dress嘅新片,見佢哋衣着以水浪漫粉色上陣,仲有Deep V效果,非常有氣質。