撼贏連詩雅!羅天宇同谷婭溦合唱13萬View
藝人羅天宇出席好友歌手谷婭溦的《哭牆》專輯宣傳,透露與她有一個合唱版,自己親自剪輯放上網後,反應不俗,成為他有史以來最多view的一個post:「同連詩雅合唱都冇咁多view,同谷婭溦合唱有13萬人次睇,希望遲吓有機會再合作,我好鍾意首歌。」近日完成無綫新劇《十月初五的月光》的他,有空學唱歌,稱請了幾個老師惡補,希望增強能力、想進步,爭取多點合唱機會,突破極限,又爆自己唱歌有障礙:「我係有障礙,用錯喉嚨肌肉唱,其實唔應該,要戒,佢教我唔好食咁飽,我想學佢唱高音好似唔使用力咁。」