黃子韜做電競公司CEO 爭冠軍身家隨時再跳級
韓團EXO前內地成員黃子韜嘅富豪爸爸去年離世後,留下240億元港幣遺產,富二代升呢坐正,佢積極喺商界同娛樂界雙線發展,估唔到年輕又有諗頭嘅佢,依家仲加盟電競界陣線,宣布以明星合夥人及聯席CEO身份加盟佛山GK電子競技俱樂部。
雄心壯志嘅佢,加盟第1件事就係想帶領團隊走向比賽冠軍,仲訂晒隊服Show Off,更豪言佢自己電競技術一流:「這個賽季,朝着KPL冠軍發展(盡力)以後我們一起成長。等訂製的YKYB隊服到了記得秀一下。要上分的話不用我的隊員,我就可以帶哈哈」網友就留言表示等睇佢哋拎完中國冠軍再拎埋世界冠軍,到時黃子韜身家一定再跳級,成為中國圈中最高身價藝人。