蘇皓兒顧定軒冧爆合唱:感恩一直有你陪伴
劇集《那些我愛過的人》昨晚播出大結局,其中「子優」蘇皓兒(Chole)就孖住「朱炳」顧定軒一齊睇大結局,見Chole睇到喊晒口,相當投入。此外,顧定軒早前透露準備咗份小禮物送畀觀眾,答案終於揭盅啦,原來係佢哋二人拍片合唱劇集插曲《夢飛翔》,見佢哋不時深情對望兼冧爆甜笑,場面Sweet到爆。
Chole留言表示:「無論是Zeno還是朱炳,都陪着我經歷了很多,很感恩成長的路上一直都有你陪伴。想藉着劇集的完結,送上這首屬於朱炳和子優的歌《夢飛翔》。」而同劇嘅陳自瑤及黃翠如等亦有捧場,留言大讚好聽。